(✿)ဝေဒါသာကုဂါထာ (✿)
အာဏာစက်အလွန်ပြင်းေသာဂါထာေတာ်ကြီး
ဝေ ဒါ သာ ကု | ကု သာ ဒါ ဝေ
ဒါ ယ သာ ဒ | ဒ သာ ယ ဒါ
သာ သာ ဓိ ကု | ကု ဓိ သာ သာ
ကု ဒ ကု ဘု | ဘု ကု ဒ ကု။
ထို စာလုံးများမှာ အနက် အဓိပ္ပာယ်များစွာရှိပါတယ်၊
ဝေဒါသာကု ဂါထာပြန်လို့လည်း ခေါ်ကြသလို....
သိကြားမင်းသက်စောင့်ဂါထာ လို့လည်း ခေါ်ကြပါတယ်၊
အာဏာစက် အလွန်ပြင်းထန်
သော ဂါထာတော်မြတ်ဖြစ်သဖြင့်
အတိတ် ဘဝတွေတုန်းက မိမိတို့ ပြုခဲ့ဖူးတဲ့ ဒါနပါရမီ ကုသိုလ် ကောင်းမှုတွေကို သစ္စာပြု တိုင်တည်ပြီး ရန်အပေါင်းကိုအောင်မြင်စေပါတယ်။
ို
မိမိအပေါ် မကောင်းကြံသူ၊ မတရားအနိုင်ကျင့့်သူ ..လူများ၊ ဆရာဆိုးများ၊ နတ်ဆိုးများကို တန်ပြန် ဒဏ်ပြန်ထိခိုက်စေပါတယ်။ ဂါထာရဲ့ အဓိက အကျိုးပေးက ရန်အပေါင်းကို အောင်မြင်တာဖြစ်ပါတယ်။
အသံပြင်းပြင်း နဲ့ ပီပီ သသ၊ အဖြတ် အတောက် မှန်မှန် ရွတ်ဆိုပေးကြပါ၊ ရွတ်ဆိုရလွယ်ကူတဲ့ ဂါထာလေးမို့ များများ ရွတ်ဖို့လိုပါမယ်၊ အောင်မြင် ကျော်ကြား ကြီးမြင့်လာသူ တော်တော်များများ ရဲ့ နောက်ကွယ်မှာ အတိတ် ကံ အကျိုးပေးတွေ အပြင် ပုံမှန်လက်စွဲထား ရွတ်ဆိုလေ့ရှိတဲ့ ဂါထာတော်မြတ် တွေရဲ့ အကျိုးပေးတွေပါ ပါဝင်နေတတ်ပါတယ်။
ဝေဒါသာကုဂါထာတော်ကြီး
👉 မြန်မာပြန်👈
ဝေ - ငါ၏ရန်သူ ဟူသမျှတို့သည်။
ဒါ - ဝေးစွာ အရပ်သို့။
သာ - လျှင်စွာ။
ကု - ပြေးစေကုန်သတည်း။
ကု - ငါ့အား မကောင်းသဖြင့် ကြံကုန်သူတို့သည်။
သာ - မိမိအလိုလို။
ဒါ - အကြံအစည် ပျက်သော အားဖြင့်။
ဝေ - ပျောက်စေကုန်သည်။
ဒါ - ငါ၏စေတနာကြောင့်။
ယသာ - အခြံအရံ အကျော် အစောတို့သည်။
ဒ - ပွားများပါစေကုန်သတည်း။
ဒသာ - ငါပြုမိသော အကုသိုလ် ဆယ်ပါးတို့သည်။
ယ - ငါပြုမိသမျှသော ကုသိုလ်ဆယ်ပါး၏ တန်ခိုးတော်ကြောင့် ။
ဒါ - ပြေပျောက်စေကုန်သတည်း။
သာ - စက်ဆုပ်ဖွယ်သော သူတို့အားလည်းကောင်း။
သာ - အမျက်မာန ဒေါသရှိသော သူတို့အားလည်းကောင်း။
ဓိ - ဆုံးမ သြ၀ါဒပေးခြင်းဖြင့်သာလျှင်။
ကု - အောင်မြင်စေသတည်း။
ကု - ထိုသို့သော အမျက်မာန မာန်တက်သူတို့နှင့် ။
ဓိ - ရှည်မြင့်စွာ။
သာ - မပေါင်းဖော်ရသည်။
သာ - ဖြစ်ပါစေသတည်း။
ကု - ကုသိုလ်စရိုက် ပြုကျင့်လေ့ရှိသော။
ဒ - သူတော်ကောင်း တို့နှင့်သာလျှင်။
ကု - ဖြစ်လေရာ သံသရာ ဘ၀ အဆက်ဆက်၌။
ဘု - တွေ့ဆုံပေါင်းဖော်ခြင်းကို ပြုရစေသတည်း။
ဘု - အကုသိုလ် စရိုက်ပွားများသူတို့နှင့်။
ကု - ဖြစ်လေရာ ဘ၀သံသရာ အဆက်ဆက်၌။
ဒ - အခါခပ်သိမ်း။
ကု - တွေ့ဆုံပေါင်းဖော်ခြင်း မပြုရ သည် ဖြစ်ပါစေသတည်း
No comments:
Post a Comment